「年年驗身，令你放心」，呢一個出自1984年，家計會嘅經典廣告，相信大家都一定聽過！但大家有無諗過，其實不單止人要驗身，連樹木都要驗身？所以，小編(S)今日好高興，邀請到國際樹木學會註冊樹藝師(ISA Certified Arborist) Brian嚟講解一下：點解樹木都要「年年檢身」？同埋樹木保養要注意嘅事項。
B：其實，最近10年，香港發生極端天氣嘅機會越來越多，大家一定記得18年超強颱風山竹襲港嘅可怕經歷。山竹吹襲期間，共造成超過10萬棵樹木倒塌！
塌樹唔單只係死咗一棵樹，最大損失其實係人命同財產！所以，政府轄下嘅樹木管理辦事處（簡稱：樹木辦）近年積極宣傳檢樹嘅重要性，希望可以未雨綢繆，做好預防措施，盡量減低塌樹而造成嘅人命傷亡及財產損毀！
B：我估好多人都唔知，樹嘅定義係乜？根據樹木辦嘅指引：凡植物其樹胸徑為95毫米或以上（需於距離地面1.3米的高度去量度樹木直徑），才視作為樹木。所以，校內嘅樹木只要符合以上條件，就需要做年檢。
「樹木年檢」其實只係簡稱，真正名稱係「樹木風險評估報告」。樹木辦亦已制定報告格式範本，供政府認可嘅樹木風險評估員填寫及提交報告！
B：樹木風險評估表格1：樹群檢查
即係學校範圍內所有樹木嘅初步檢查，亦可以話係一個樹木資料庫
樹木風險評估表格2：個別樹木風險評估
當做完表格1後，如果有某幾棵樹發現有潛在危險，就需要做表格2。而表格2需根據樹木嘅整體情況，對附近人或物嘅影響，潛在危險而作出分析，得出風險評級，再提出緩減措施，令樹木的潛在風險減至最低，以保障人命及財產！
B：表格1及表格2主要都係目測檢查，再配合拉尺，小刀，牛皮膠鎚等工具，再影下相片紀錄，以作出樹木嘅全面評估。
B：一般來說，3-5月最為適合，因爲要在夏天雨季及颱風吹襲前，幫樹木做好預防措施，便可以盡量避免塌樹情況出現！
B：因為樹木在學校範圍內，校方將視之為樹木擁有人。
根據「樹木管理手冊」第一部份：樹木擁有人的謹慎責任
為保障人命安全，樹木擁有人應小心謹慎地管理樹木，以確保樹木健康生長和結構良好，識別有危險的樹木，適時採取合適的緩解措施，以減低樹木構成的風險。
因此，如未能謹慎管理樹木而導致人命傷亡或 財物損毀，校方需承擔法律責任。
B：當然可以
Brilliant Arboricultural Co Ltd
優譽樹藝有限公司
Email : brilliant.arborist@gmail.com
Fax: 21246696
Tel: 31637661
